بسم الله الرحمن الرحيم
سلام عليكم..إزيكم يا جماعة أخباركم إيه وعاملين إيه مع رمضان المبارك؟ ء
كل سنة وإنتم طيبين ورمضانكم مبارك وبإذن الله تعيشوا وتشوفوا 100 رمضان كمان إن شاء الله..ء
المهم..حبيت يا جماعة اتكلم معاكم وأسألكم سؤال رفيع كده ^^: ء
في الشهر الكريم ده..يا ترى هتعملوا إيه؟؟ ء
السؤال ده يمكن اتسأل 500 مليون مرة قبل كده^^..لكن مظنش فيه مانع لو سألنا تاني^^ ء
الشهر ده فرصة عظيمة لناس كتير ومصلحة لناس كتير جداً! طبعاً فرصة عظيمة لكل شخص عاوز يرجع لربنا ويتوب ويستغفر ويكسب أنهار من الحسنات ويتغفر له جبال من السيئات إن شاء الله..ولشخص زي ده رمضان فرصة عظيمة مش بتتكرر كتير..ء
وطبعاً -للأسف الشديد - رمضان برضه مصلحة كبيرة لناس تانية..للشركات اللي بتصنع الأغذية المختلفة، وبتستغل الناس عشان تاخد في كرشها أرباح ضخمة طبعاً! وكمان مصلحة لشركات الإنتاج والإخوة الفنانين اللي بيكسبوا الملايين من طن المسلسلات اللي بيتعرض في رمضان!! دنيا مصالح مصالح حتى في الشهر الفضيل! ء
معلش يا جماعة تقلت عليكم كتير المرة دي..مش عوايدي أتكلم بنرفزة كده عادة..لكن فعلاً حاجات زي دي بتضايقني خصوصاً في شهر فضيل زي ده..ء
على كل حال..هتعملوا إيه يا جماعة في شهر رمضان الكريم؟ ء
منتظر ردكم وكل عام وإنتم بخير..ء
محمد المصري
